राष्ट्रपति निर्वाचनमा नेपाली कांग्रेसका उम्मेदवारलाई मत दिने:बाबुराम भट्टराई

काठमाडौं। नेपाल समाजवादी पार्टीले राष्ट्रपति निर्वाचनमा नेपाली कांग्रेसका उम्मेदवारलाई मत दिने भएको छ। बाबुराम भट्टराई नेतृत्वको नेसपाको बैठकले आगामी फागुन २५ गते हुने चुनावमा कांग्रेसका उम्मेदवार रामचन्द्र पौडेललाई मत दिने निर्णय गरेको नेसपाका नेता विश्वदीप पाण्डेले जानकारी दिए।

उनका अनुसार बैठकले राष्ट्रपति चुनावका सन्दर्भमा बनेको नयाँ गठबन्धनलाई सहयोग गर्ने निर्णय पनि गरेको छ। नेसपासँग २५४ मतभार छ। नेसपाका संघीय संसदमा २ जना र प्रदेश सभामा २ जना सांसद छन्।

आज मनोनयय दर्ताको कार्यसूची रहेको छ। एमालेले सुवासचन्द्र नेम्बाङलाई राष्ट्रपतिको उम्मेदवारी दर्ता गरिसकेको छ।