राष्ट्रपति भण्डारी जनगणतन्त्र आइसल्याण्डको औपचारिक भ्रमणमा जाँदै

काठमाडौं। राष्ट्रपति विद्यादेवी भण्डारी जनगणतन्त्र आइसल्याण्डको औपचारिक भ्रमणमा जाँदैछिन।

राष्ट्रपति भण्डारी १८ सदस्यीय नेपाली प्रतिनिधिमण्डलको नेतृत्व गर्दै साँझ ६ बजे कतार एयरवेजको जहाजमार्फत् त्यसतर्फ प्रस्थान गर्ने परराष्ट्र मन्त्रालयले जनाएको छ।

महिला राजनीतिज्ञको विश्वव्यापी सञ्जाल ‘वुमन पोलिटिकल लिडर्स (डब्लुपीएल’कार्यक्रममा सहभागी हुन राष्ट्रपति भण्डारी आज त्यसतर्फ जान लागेकी हुन्।

राष्ट्रपति भण्डारी कात्तिक २१ देखि २६ गतेसम्म आइसल्याण्डको भ्रमणमा रहने परराष्ट्र मन्त्रालयले जनाएको छ । भण्डारी कात्तिक २६ गते बिहान ७ :३० बजेतिर स्वदेश फर्किने कार्यतालिका छ।