विराटनगरमा फर्निचर उद्योगमा आगलागी

विराटनगर। मोरङमा बिहिबार राति फर्निचर उद्योगमा आगलागी भएको छ। विराटनगर महानगरपालिका-९ मा रहेको माता धनवन्ती फर्निचर उद्योगमा बिहीबार राति आगलागी भएको हो ।

मनिष राजवंशीले सञ्चालन गरेको उद्योगमा बिहिबार राति ८ बजेतिर आगलागी भएको मोरङ प्रहरीका प्रवक्ता डीएसपी दीपक श्रेष्ठले बताउनुभयो। विद्युत् सर्ट भएर आगलागी भएको हुनसक्ने उहाँले बताउनुभयो। प्रवक्ता डीएसपी श्रेष्ठका अनुसार प्रारम्भिक विवरणअनुसार आगलागीबाट ५० लाख रुपैयाँभन्दा बढीको क्षति भएको छ। आगलागीबाट फर्निचर उद्योगसहित त्यहाँभित्र रहेका सबै सामान जलेर नष्ट भएको छ।

पाँचवटा दमकल, स्थानीय र सुरक्षाकर्मीको सहयोगमा आगो नियन्त्रणमा लिइएको थियो। आगो नियन्त्रणमा लिन दुई घण्टाभन्दा बढी समय लागेको थियो।