पर्शुराम बस्नेतको प्रमुख आतिथ्यतामा दुर्गा पूजा सम्पन्न

विराटनगर । २० असोज, विराटनगर १२ स्थित पाञ्चाली नहरमा प्रदेश सभा निर्वाचनका प्रत्याशी उम्मेदवार तथा नेपाल खेलकुद महासंघका केन्द्रिय अध्यक्ष पर्शुराम बस्नेतको प्रमुख आतिथ्यतामा दुर्गा पूजा सम्पन्न भएको छ ।
यस स्थानमा पहिलो पटक दुर्गा माताको प्रतिमा स्थापना गरी दुर्गा पुजाको आयोजना गरिएको यस नव दुर्गा पूजा समारोह समितिका अध्यक्ष राजकुमार रामले बताएका छन् । ११ सदस्यीय यस समितिका अध्यक्ष रामले वडा नं. ११ का वडा अध्यक्ष तिर्थेन्द्र न्यौपाने,

वडा नं. १२ का सदस्यहरु प्रमिला राजवंशी, कुशेश्वर राजवंशी, समाजसेवी प्रदिप दास लगायतलाई निम्त्याएका थिए भने विराटनगरका नगर प्रहरी प्रमुखको पनि उपस्थिति रहेको थियो ।
यस दुर्गा पूजाका लागि आर्थिक सहयोगीहरु १५ जनालाई कदरपत्र तथा अन्य सहयोगीहरु १५ जनालाई प्रशंसा पत्रले सम्मान गरिएको थियो ।

कार्यक्रमको प्रमुख अतिथि पर्शुराम बस्नेतले यस किसिमको कार्यक्रमले समाजमा सामाजिक सद्भाव कायम गर्ने, समाजको आन्तरिक एकता बलियो बनाउने, संस्कृतिको जर्गेना गर्ने, संस्कारको विकास गर्ने जस्तो महत्वपूर्ण योगदान रहने कुरामा जोड दिनुभएको थियो ।
विभिन्न नृत्य तथा संगीतको पनि प्रस्तुती रहेको यस कार्यक्रममा समितिका अध्यक्ष रामले कार्यक्रम समापन गर्नुभएको थियो ।