माओवादी बलियो नहुँदासम्म प्रतिगमनको खतरा बढिरहने:प्रचण्ड

विराटनगर। नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले माओवादी बलियो नहुँदासम्म प्रतिगमनको खतरा बढिरहने बताएका छन् ।

क्रान्तिकारी फोर्स घोषणा कार्यक्रममा ‘प्रचण्ड’ले माओवादी बलियो भएर नआउँदासम्म देशमा प्रतिगमन र प्रतिक्रान्तिको खतरा रहिरहने उनले बताए। उनले भने, ‘माओवादी बलियो भएर नआउँदासम्म देशमा प्रतिगमन र प्रतिक्रान्तिको खतरा रहिराख्छ । माओवादी आन्दोलन बलियो बनाउन तपाईहरु फिल्डमा जानुहुनेछ ।

प्रचण्डले समाजवादी क्रान्तिको नयाँ चरणमा प्रवेश गरेको बताए । प्रचण्डले भने, जनवादी क्रान्तिमा नेतृत्वको भूमिका खेल्यौं । समाजवाद निर्माणको महाअभियानमा लागौं । विचार र सिद्धान्तलाई उच्च प्राथमिकता दिनुपर्छ । निर्वाचनको व्याटलमा जाँदैछौं । पार्टीको नीति के छ भने सडक, सदन र सरकारबाट आन्दोलन गरेर मात्रै उपलब्धी हाँसिल गर्न सकिन्छ ।

उनले विद्यार्थीहरुलाई कम्युनिस्ट आन्दोलनको उत्तराधिकारी भएको संज्ञा दिए ।