सुबिधा ग्यास लिक भई भान्सा कोठामा आगलागी, समयमा आएन दमकल

विराटनगर । विराटनगरमा सुबिधा ग्यास लिक भई भान्सा कोठामा आगलागी भएको छ। विराटनगर ११ केसलिया रोडमा सुबिधा ग्यास लिक भई बिस्पोट हुँदा आगलागी भएको हो।

शुक्रबार बेलुका करिब ४ बजे विराटनगर ११ का विरेन्द्र यादवको घरको भान्सा कोठामा ग्यास लिक भई आगलागी भएको थियो । टिनको छाना र बाँसको घेराभरा भएको भान्सा कोठामा अगलागी हुदाँ ८० हजार बढीको क्षति भएको वडा प्रहरी कार्यालय विराटनगर ( क )ले बताए। नास्ता पकाउने क्रममा घरमा रहेको ग्यास लिक भई आगालागी भएको हुँदा स्थानीय र प्रहरी आगलागी नियन्त्रणमा लिएको थियो। आगलागी नियन्त्रणमा लिई सक्दा केही समय पछि विराटनगर महानगरपालीकाबाट आगलागी नियन्त्रण गर्न दमकल आएको थियो ।