प्रहरी हिरासतबाट फरार भएका एक जना पक्राउ

काठमाडौं। प्रहरी हिरासतबाट फरार भएका एक जनालाई प्रहरीले पक्राउ गरेको छ।

जबरजस्ती करणीको मुद्दामा हिरासतमा रहेका बाँकेको खजुरा गाउँपालिका-८ का २६ वर्षीय अब्दुल खाँ साउन ९ गते ड्युटीमा रहेका सेन्ट्रीलाई झुक्काएर फरार भएका थिए। उनलाई इलाका प्रहरी कार्यालय मोतिपुर बर्दियाबाट पक्राउ गरी अनुसन्धानको सिलसिलामा राखिएको थियो।

प्रहरी निरीक्षक ह्रदेशकुमार सापकोटाको कमाण्डमा खटिएको टोलीले आज सोमबार पक्राउ गरेको हो। उनलाई बर्दियाको बढैयाताल गाउँपालिका-२ स्थित नेपाल भारत सीमा नजिकबाट पक्राउ गरिएको प्रहीले जनाएको छ।

घटनाबारे थप अनुसन्धान भइरहेको प्रहरीले जनाएको छ।