दुईवटा मोटरसाइकल आपसमा ठक्कर खाँदा एक जनाको मृत्यु

बिराटनगर। सप्तरीको शम्भुनाथ नगरपालिका-५ मोहनपुरमा आज दुईवटा मोटरसाइकल आपसमा ठक्कर खाँदा एक जनाको मृत्यु भएको छ भने एक जना घाइते भएका छन्।

बा ३२ प ४४८६ नम्बरको मोटरसाइकल र स ४ प ९९५० नम्बरको मोटरसाइकल आज बिहान सवा ११ बजे आपसमा ठक्कर खाएका हुन्। दुर्घटनामा परी ९९५० नम्बरको मोटरसाइकल चालक शम्भुनाथ नगरपालिका ६ का ५२ वर्षीय त्रिपुरेश्वर चौधरीको मृत्यु भएको हो।

गम्भीर घाइते भएका चौधरीको उपचारको क्रममा छिन्नमस्ता अस्पतालमा मृत्यु भएको हो। सामान्य घाइते भएका अर्को चालकको पनि सोही अस्पतालमा उपचार भइरहेको छ।