भारतबाट अवैध रुपले नेपालमा चिनी ल्याउने तीन जना पक्राउ

काठमाडौ। भारतबाट अवैध रुपले नेपालमा चिनी ल्याउने तीन जना पक्राउ परेका छन्। झण्डै ३४ लाख २ हजार रुपैयाँ बराबरको ६० क्विन्टल चिनी पश्चिम नवलपरासीको सरावल-५को धनगडवाबाट नियन्त्रणमा लिइएको हो।

अवैधरुपमा चिनी ल्याउने प्रतापपुर गाउँपालिका २ घोडाहा बस्ने ४५ वर्षीय धिरेन्द्रकुमार चौधरी, २० वर्षीय किरणकुमार चौधरी र रामग्राम नगरपालिका ७ उजैनीका रोशन चौधरीलाई नियन्त्रणमा लिइएको प्रहरीले जनाएको छ।

लु १ च ५९६३ र लु २ च ६५५३ नम्बरको पिकअपमा ल्याउँदै गरेको चिनीसहित उनीहरुलाई सशस्त्र प्रहरी बल नेपाल नम्बर २६ गण पश्चिम नवलपरासीले नियन्त्रणमा लिएको हो । पक्राउ परेकालाई बरामद चिनी तथा गाडीसहित आवश्यक कारवाहीका लागि भैरहवा भन्सार कार्यालय रुपन्देहीमा बुझाईएको छ ।