निर्वाचन आयोगले आचारसंहिता लागू गर्ने विषयमा आज छलफल गर्ने

विराटनगर। निर्वाचन आयोगले ४ मंसिरमा हुने प्रदेश र प्रतिनिधिसभा निर्वाचनका लागि आचारसंहिता लागू गर्ने विषयमा आज छलफल गर्ने भएको छ ।

आयोगले आज राजनीतिक दलका प्रमुख तथा पदाधिकारीसँग छलफल गर्ने भएको हो । गत भदौमै आचारसंहिता राजपत्रमा प्रकाशित भइसकेकामा अब आयोगले निर्णय गर्ने वितिक्कै लागू गर्ने तयारी गरेको हो ।

संघीय संसद् तथा प्रदेशसभामा प्रतिनिधित्व गर्ने राजनीतिक दलका प्रमुख तथा पदाधिकारीसँग छलफल तय भएको आयोगका प्रवक्ता शालिग्राम शर्माले जानकारी दिए । छलफलमा प्रधानमन्त्री, गृहमन्त्रीसहित १२ राजनीतिक दलका प्रमुख र पदाधिकारीलाई बोलाइएको छ ।