मोरङमा माछा पोखरीमा एक जना वृद्धा महिलाको शव फेला परे

विराटनगर। मोरङको रंगेली नगरपालिका-१ स्थित माछा पोखरीमा एक जना वृद्धा महिलाको शव फेला परेको छ।

मोरङको रंगेली-१ की ७६ वर्षीया कृष्णमाया बस्नेतको शव बुधबार साँझ फेला परेको मोरङ प्रहरीका प्रवक्ता डीएसपी दीपक श्रेष्ठले जानकारी दिए। उनका अनुसार कृष्णमाया बिहान ९ बजेतिर आफ्नै घरबाट बेपत्ता भएकी थिइन्। परिवारका सदस्य र आफन्तले खोजी गर्ने क्रममा माछा पोखरीमा शव फेला परेको हो। शव भेटिएको पोखरी कृष्णमायाको घरबाट लगभग ५ सय मिटर उत्तरमा पर्छ।

शव पोस्टमार्टमका लागि रंगेली अस्पतालमा राखेर घटनाको अनुसन्धान सुरु गरिएको डीएसपी श्रेष्ठले बताए।